NASA, gati helikopteri që do të fluturojë në Mars
BKT
   Kuriozitete

NASA, gati helikopteri që do të fluturojë në Mars

Në një kohë kur aktivitetet sociale dhe ekonomike janë pezulluar nga frika e pandemisë, shkenca nuk ndalet, madje mund të shënojë një nga hapat e saj më të rëndësishme.

Në korrik parashikohet nisja e sondës Perseverance në Mars, me objektivin që të arrijë në planetin “e kuq” në shkurt të vitit të ardhshëm, duke pasuar të parët e saj, si sondat Spirit, Opportunity dhe Curiosity, kjo  e fundit e vetmja ende funksionale dhe që dërgon pamje.  

Por Perseverance do të ketë një mision madhor. Ajo do të mbajë edhe një helikopter të vogël të komanduar nga NASA, i cili nëse gjerat shkojnë mirë mund të jetë mjeti i parë që fluturon në një planet tjetër.

I ushqyer nga energjia diellore, helikopteri do terri brenda sondës deri kur terreni ku ndodhet Perseverance do të gjykohet si i përshtatshëm nga inxhinierët e NASA.

Helikopteri nuk do të ketë me vete instrumente shkencore dhe nuk do të bëj analiza përtej fotografive, por një sukses edhe i pjesshëm do t’i hapte rrugën gjeneratës së re dhe më të avancuar, që mund t’i hapin vërtetë rrugë kolonizimit të njeriut.