Në fshatrat e Vushtrrisë me COVID-19 nuk hapen shkollat për klasat e 9-ta
Sharr Travel

Në fshatrat e Vushtrrisë me COVID-19 nuk hapen shkollat për klasat e 9-ta

Vushtrria vazhdon të jetë së fundi ndër komunat më të prekura në nivel vendi nga pandemia COVID-19.

Sot janë shëruar tre qytetarë të Vushtrrisë, ndërkohë që janë konfirmuar 14 raste të reja nga 82 teste të kryera.

Kryetari i Vushtrrisë, Xhafer Tahiri, ka bërë të ditur se rastet pozitive janë raste kontakti në lidhje familjare, në vendet: 5 raste Vushtrri, 4 raste Nadakovc, 4 raste Stanovc i poshtëm dhe 1 rast Reznik.

“Të gjitha rastet me Covid 19 me vendim të Inspektorit Sanitar të Komunës janë në vetizolim dhe nën mbikëqyrje të Policisë së Kosovës dhe të Shtabit Emergjent Komunal”, ka shkruar Tahiri në Facebook.

Tutje ai theksoi se Shtabi Emergjent dhe Drejtoria Komunale e Arsimit kanë vendosur që në fshatrat ku ka raste me Covid-19 të mos hapen shkollat për klasën 9, por të vazhdojë mësimi online.

Po ashtu bashkë me KBI në Vushtrri është vendosur që xhamitë në këto lokalitete të mbyllen deri në një vendim tjetër.

“Ju lutemi kujdes, ruajeni veten dhe familjen tuaj nga koronavirusi”, porosit Tahiri.


MË SHUME NGA Nacionale