Limaj: I kobshëm lajmi për vdekjen tragjike te Albert Krasniqit
BKT
Kosovë

Limaj: I kobshëm lajmi për vdekjen tragjike te Albert Krasniqit

Kryetari i Nismës Socialdemokrate, e ka quajtur të kobshëm lajmin për vdekjen e Albert Krasniqit.

Limaj përmes një statusi në Facebook ka thënë se është thellë i prekur me humbjen e jetës në mënyrë tragjike të aktivistit të përkushtuar të Nismës.

Ai ka thënë se Krasniqi do të mbetet përherë në kujtesën e tyre.

Ky është statusi i tij i plotë:

Lajm i kobshëm vdekja tragjike e të riut nga Tërpeza e Malishevës, Albert Krasniqi.

I prekur thellë me humbjen e jetës në mënyre tragjike të bashkëvendësit tim, aktivistit të përkushtuar të Nismës Albert Krasniqi.

Ikja e hershme e Albertit ka lënë boshllëk të madh tek ne. Albertin e kam takuar disa orë para aksidentit në selinë e Nismës Socialdemokrate si gjithnjë energjik dhe i gatshëm për sfida të reja.

Do të mbetet përherë në kujtesën tonë si djalë i edukuar dhe i përgatitur profesionalisht, por mbi të gjitha si një djalë me vlera të larta njerëzore.

Ndajmë dhimbjen me familjen Krasniqi për humbjen e djalit të tyre. Ngushëllimet më të sinqerta të gjithë atyre që e kanë njohur Albertin!

U prehsh në paqe, Albert!


MË SHUME NGA Kosovë