22:03 / 27.08.2020
Ndërroi jetë veterani i luftës së UÇK-së Minush Luma
Sot, në moshën 51 vjeçare pas një sëmundje të rëndë është ndarë nga jeta Minush Ismail Luma.
Luma ishte njëri ndër veprimtarët e parë që bashkë me Komandantin legjendar të Ushtrisë Çlirimtare të Kosovës Adem Jasharin dhe bashkëpunëtorët e tij Zahir Pajazitin, Sali Çekajn, Ahmet Hoxhën dhe atdhetarë të tjerë, morën pjesë në ushtrimet e grupeve ushtarake në Surrel të Shqipërisë.
Minush Ismail Luma nga Glloboçica e Kaçanikut dha kontribut të madh edhe gjatë periudhës së luftës së Ushtrisë Çlirimtare të Kosovës për liri dhe pavarësi.
Varrimi i tij bëhet në vendlindje.























