15:46 / 19.10.2020
Mbyllet nesër një pjesë e rrugës “Agim Ramadani” për qarkullim
Nesër, 20 tetor, për shkak të punimeve të asfaltimit , një pjesë e rrugës “Agim Ramadani” do të jetë e mbyllur për qarkullim me vetura.
Prej orës 07:30 deri në orën 18:30 për qarkullim do të mbyllet segmenti prej udhëkryqit të rrugës Arkitekt Karl Gega deri te udhëkryqi i rrugës Bajram Kelmendi, dhe shtegu/kahja tjetër prej udhëkryqit të rrugës Arkitekt Karl Gega deri te udhëkryqi i rrugës Qamil Hoxha (Lokacioni te Pishat).
Komuna e Prishtinës me këtë rast kërkon nga ngasësit e automjeteve që gjatë kësaj kohe të shfrytëzojnë për qarkullim rrugët alternative.























