Pema gjigante përfundon mbi veturë, shpëton mrekullisht shoferi britanik

Pema gjigante përfundon mbi veturë, shpëton mrekullisht shoferi britanik

Ky është momenti rrëqethës kur një pemë gjigante bie mbi veturën e një babai që ishte nisur për në shkollë për ta marrë të birin – por që mrekullisht i shpëton më të keqes edhe pse pema ia shkatërron veturën Volkwagen që kap vlerën e 20 mijë eurove.

Adrian Stefaniu, 40-vjeç, ishte nisur për në shkollën e të birit Alex, 13-vjeç, kur befasisht një pemë përfundoi mbi veturën e tij në Chelmsford të Essexit, Angli.

Kamera e vendosur brenda veturës ka regjistruar momentin kur pema bie mbi veturë, e nga frika e madhe shoferi vetëm dridhej.

Me të dalë në vendin e ngjarjes, policia ka nxjerr nga vetura Stefaniun i cili ka shpëtuar pa ndonjë lëndim. Megjithatë nuk dihen shkaqet e pemës që përfundoi në veturë.

E Adrian thotë se ndihet si njeriu më me fat, pasi që sot është gjallë dhe pranë të birit, të cilin kishte shkuar për ta marrë në shkollë kur edhe ndodhi momenti kritik.