21:22 / 10.11.2020
Hoti kundërshtohet në rrjete sociale, nis fushata kundër masave të reja
Kryeministri i Kosovës, Avdullah Hoti, mirëpo edhe akterë të tjerë të shëndetësisë në Kosovë kanë paralajmëruar se ditëve në vijim mund të ketë masa të ashpra restriktive kundër COVID-19, të cilat përfshijnë edhe vendimin për mbyllje totale.
Sidoqoftë, një vendim i tillë i paralajmëruar ka hasur në kundërshtimin e fuqishëm të qytetarëve, afaristëve dhe opinionit në përgjithësi.
Madje në rrjete sociale ka filluar edhe një fushatë #nolockdown apo jo-mbyllje, e cila i vihet kundër një vendimi të tillë të mundshëm.
Kjo fushatë është përkrahur edhe nga Shoqata e Gastronomëve të Kosovës të cilët këtë etiketim e kanë vendosur në faqen e tyre në Facebook.























