Banorët protestojnë kundër gurëthyesit në Grabovc
BKT
Kosovë

Banorët protestojnë kundër gurëthyesit në Grabovc

Dhjetëra banorë kanë protestuar kundër operimit të gurëthyesit, pronari thotë se është i pajisur me leje.

Mëngjesi i së dielës i gjeti në rrugë.

Këta banorë të fshatit Grabovc i poshtëm së komunës së Fushë Kosovës, kanë një hall të përbashkët.

Këta po i shqetëson një gurëthyes që operon në afërsi të shtëpive të tyre.

Ky gurëthyes që operon që disa vjet në këtë vend, ka që disa javë që e ka zgjeruar fushe veprimtarinë e tij.

Banorët po e shohin si të papranueshëm operimin e tij, pasi që sipas tyre ky operator nuk është i pajisur me leje. Problem tjetër që po shkakton ky gurëthyes sipas banorëve është edhe ndaj bujqve.

Kjo pasi që sipas banorëve  po dëmtohet uji i pijshëm, ajri, e qetësia në të cilën jetojnë këta. 

E për një tjetër banor të këtij vendi, që është edhe veteran i UÇK-së, ky gurëthyes po cenon edhe një vlerë tjetër të tyre.

Ndërkohë, sipas pronarit të kësaj kompanie  shumë nga këto probleme të ngritura nga banorët nuk qëndrojnë.

Ky thotë se i posedon të gjitha lejet për të operuar.

Banorët thonë që po presin përgjigje edhe nga institucionet përgjegjëse në lidhje me ankesën e tyre.


MË SHUME NGA Kosovë