Pas reshjeve të shiut, ngritet niveli i parë i gatishmërisë në Shtime
BKT
Kosovë

Pas reshjeve të shiut, ngritet niveli i parë i gatishmërisë në Shtime

Komuna e Shtimes ka ngritur nivelin e parë për mobilizim dhe gatishmëri emergjente, pas reshjeve të shiut.

Kështu është bërë e ditur në një njoftim të kësaj komune.

“Për shkak të situatës së krijuar nga vërshimet dhe përmbytjet në komunën e Shtimes gjatë ditës së djeshme dhe sot, në orët e hershme të mëngjesit, kryetari i Komunës, Naim Ismajli ka ngritur Nivelin e Parë për Mobilizim dhe Gatishmërinë Emergjente.

Situatë më e rëndë paraqitet në fshatrat e rrafshit të komunës së Shtimes siç janë: Rashinca, Gjyrkoci, Vojnoci etj”, thuhet në njoftim.

Policia e Kosovës, Njësiti i Zjarrfikësve dhe Drejtoria e Shërbimeve Publike si dhe kompania e kontraktuar për mirëmbajtje nga Komuna janë në teren duke menaxhuar gjendjen e krijuar pas të reshurave. 


MË SHUME NGA Kosovë