Shpend Ahmeti publikon pamje të punimeve të nënkalimit në Kalabri
BKT
Kosovë

Shpend Ahmeti publikon pamje të punimeve të nënkalimit në Kalabri

Kryetari i Komunës së Prishtinës, Shpend Ahmeti ka thënë se kanë përfunduar punimet e renovimit të nënkalimit në Kalabri.

Ahmeti përmes një shkrimi në rrjetin social Facebook, ka thënë se projekti filloi vitin e kaluar.

“Arti në hapësirat publike i jep jetë Prishtinës urbane e kur aplikohet në hapësirat e nënkalimeve i bën më atrtaktive për të i shfrytëzuar. Tashmë kanë përfunduar të gjitha punimet e renovimit të nënkalimit në Kalabri përballë Qendrës Klinike Universitare, pjesë e projektit të Drejtorisë për Shërbime Publike që filloi vitin e kaluar.”, ka thënë ai.

Ahmeti ka thënë se punime dhe renovime po bëhen edhe te nënkalimet në Kalabri, Xhamia e Llapit dhe Bardhosh.

“Shfrytëzimi i nënkalimeve është i rëndësishëm dhe ndikon në rritjen e sigurisë të këmbësorëve, sidomos në pjesët e Prishtinës ku kemi qarkullim të madh të trafikut”, është shprehur në fund ai.


MË SHUME NGA Kosovë