Roveri i NASA-s në Mars sjell në tokë të dhëna tjera
Tani ne e dimë se si një lazer tingëllon në një botë tjetër. Roveri “Perseverance” i agjencisë hapësinore amerikane, ka dislokuar instrumentin e tij “SuperCam”, në mars, për të parën herë.
Ai mund të identifikojë shkëmbinjtë në distancë dhe është një teknikë që NASA e ka përdorur edhe në një tjetër Rover më parë, “Curiosity”.
Por, “Perseverance” ka disa përmirësime, përfshirë një mikrofon që i lejon shkencëtarët të dëgjojnë punën e lazerit të saj.
Ky nuk është një element i çfarëdoshëm, por ofron informacione shtesë të dobishme për shkencëtarët.
Tingulli i lazerit që godet shkëmbinjtë ofron informacione për dendësinë dhe fortësinë e objekteve që janë nën vëzhgim.
Zyrtarët e NASA-s thanë në një konferencë për shtyp se ishin lëshuar tre tinguj të ndryshëm, që ishin regjistruar edhe nga mikrofoni SuperCam.
Njëri ishte tingulli i përgjithshëm i marsit, i dyti ishte zhurmë ere dhe i treti ishte ai nga lazeri në veprim.
Perseverancë u ul në kraterin Jezero në Mars më 18 shkurt për të kërkuar atje prova të jetës së shkuar.
Krateri konsiderohet një lokacion i shkëlqyer për një përpjekje të tillë pasi atje ka ekzistuar një liqen miliarda vite më parë dhe nëse ka pasur ujë mund të ketë pasur edhe jetë po ashtu.























