Mbahet mbledhja e Komisionit për Qeverisje Lokale, Zhvillim Rajonal e Media
Komisioni për Qeverisje Lokale, Zhvillim Rajonal dhe Media, nën drejtimin e kryetares Doarsa Kica Xhelili, mbajti sot mbledhjen konstituive.
Konform rregollores së punës, kryetarja hapi diskutimin për planin e punës së komisionit dhe hapat e ardhshëm në caktimin e prioriteteve.
Anëtarët e komisionit njëzëri u dakorduan që t’i adresohen Kryesisë së Kuvendit me kërkesën që fushëveprimtaria e këtij komisioni ta mbulojë edhe administratën publike.
"Sot u mbajt mbledhja konstituive e Komisionit për Qeverisje Lokale, Zhvillim Rajonal dhe Media.Pas konstituimit të Komisionit dhe diskutimit lidhur me cështje të ndryshme, u zotuam për bashkëpunim të mirëfilltë në interes të përgjithshëm, pa dallim politik, duke i respektuar rregullat dhe procedurat konform Rregullores së Kuvendit. Ky Komision, ndër të tjera, ka mandat të mbikqyrjes së punës së Komisionit të Pavarur për Media. Lidhur me këtë, dje me datë 12.04.2021, kemi pranuar Raportin vjetor të punës për vitin 2020.Rrjedhimisht, raporti ndahet sot me anëtarët e tjerë të Komisionit, ndërsa Komisioni i Pavarur për Media do të ftohet për raportim në mbledhjen e radhës, e cila do të mbahet me datë 20.04.2021, në orën 10:00", ka shkruar në profilin e saj në "Facebook", kryetarja Doarsa Kica Xhelili.
Përbërja e komisionit:
Kryesuese, Doarsa Kici Xhelili
Nënkryetari , Mergim Lushtaku
Anëtarët e Komisonit:
Besnik Tahiri
Agim Veliu
Igor Simiq
Besim Muzaqi
Nijazi Isaku
Valon Ramadani
Fitim Haziri
Floretë Zejnullahu























