Kollçaku: Rreth 5 mijë vaksina mbërrijnë të mërkurën
BKT
Kosovë

Kollçaku: Rreth 5 mijë vaksina mbërrijnë të mërkurën

Fatmire Kollçaku, kryetarja e Komisionit parlamentar për shëndetësi, thotë se shifrat e fundit të rasteve me COVID-19 është një tregues i mirë se situata epidemiologjike në vend momentalisht është më e mirë.

Kryetarja e Komisionit Parlamentar për Shëndetësi, Fatmire Kollçaku ka bërë të ditur se të mërkurën e ardhshme në vendin tonë do të arrijnë 5 mijë antiCOVID-19.

Në një postim në Facebook, ajo ka shkruar se shifrat e fundit të rasteve me COVID-19 është një tregues i mirë se situata epidemiologjike në vend momentalisht është më e mirë.

Postimi i plotë:

Sot, nga 3002 testuar, 415 TË SHËRUAR DHE 160 RASTE ME COVID-19!

Rreth 5000 vaksina arrijnë të mërkurën, e pastaj vijnë pandërprerë, deri në arritje të synimit tonë.

Ndërsa treguesi më i mirë, se situata epidemiologjike në vend për momentin është më e mirë, është edhe numri më i vogël i të hospitalizuarve.

Ajo çfarë na brengos ende, janë vdekjet e të prekurve nga COVID-19.

Beteja vazhdon!

Ndryshe, Kosova deri më tash ka siguruar vetëm 24 mijë doza të vaksinës AstraZeneca, të cilat janë shpenzuar. 


MË SHUME NGA Kosovë