Viruse 15.000-vjeçare zbulohen në akullnajë

Viruse 15.000-vjeçare zbulohen në akullnajë

Shkencëtarët kanë gjetur viruse të panjohura më parë rreth 15.000 vjeçare në mostrat e akullit nga platoja tibetane.

Viruset janë të ndryshëm nga çdo i njohur për shkencëtarët deri më tani, tregon një studim i botuar në revistën Microbiome.

Një ekip shkencëtarësh dhe mikrobiologësh të klimës nga Universiteti Shtetëror i Ohajos morën dy mostra akulli nga maja e akullit Guliya në Kinën perëndimore në vitin 2015, shkruan CNN.

Ata morën mostra nga maja në 6710 metra mbi nivelin e detit dhe në pllajën tibetiane (6200 metra).

Ata gjetën 33 viruse nga të cilat të paktën 28 ishin deri më tani të panjohura për shkencën dhe mbijetuan pasi që ishin të ngrira.

Viruset janë adaptuar në kushte ekstreme dhe nuk janë të dëmshëm për njerëzit, thanë shkencëtarët për CNN.

Përmbajtja e atmosferës depozitohet në akull me kalimin e kohës, përfshirë viruset. 

"Akulli është një arkiv i ngrirë", tha bashkautori i studimit Lonnie Thompson, një profesor në Universitetin e Ohajos dhe një studiues në Qendrën kërkimore Byrd Polar.

Relativisht pak dihet për viruset në akullnajat, por zona po rritet me rëndësi pasi akullnajat përreth planetit po shkrihen për shkak të ndryshimeve klimatike.

"Me të vërtetë tërheq vëmendjen e publikut", theksoi Thompson, duke shtuar se pandemia COVID-19 ka rritur ndërgjegjësimin për rëndësinë e të mësuarit rreth viruseve.