Ambasada gjermane ndihmon policinë me pajisje anti-Covid
BKT
Kosovë

Ambasada gjermane ndihmon policinë me pajisje anti-Covid

Drejtori i Përgjithshëm i Policisë së Kosovës, Samedin Mehmeti, ka pritur  sot ambasadorin e Gjermanisë në Kososvë, Joern Rohde.

Me këtë rast, diplomati gjerman i ka dhuruar policisë pajisje personale mbrojtëse për t’u mbrojtur nga pandemia Covid-19.

Donacioni përfshinë maska mbrojtëse, maska njëpërdorimëshe, desinfektues me sasi të ndryshme si dhe veshje mbrojtëse njëpërdorimëshe.

“Republika e Gjermanisë, përmes ambasadës së saj në Kosovë në vazhdimësi ka përkrahur Policinë e Kosovës, me ç’rast sot Policisë së Kosovës iu dhurua donacion me  pajisje personale mbrojtëse për t’u mbrojtur nga pandemia  me virusin COVID 19 si: maska mbrojtëse, maska njëpërdorimëshe, desinfektues me sasi të ndryshme si dhe veshje mbrojtëse njëpërdorimëshe.  Policia e Kosovës është gjithmonë mirënjohëse për ndihmën e ofruar nga partnerët tanë dhe e falënderon Ambasadën Gjermane për bashkëpunimin dhe përkrahjen e  vazhdueshme në fusha të ndryshme të sigurisë”, është thënë në njoftimin për medie të Policisë së Kosovës.


MË SHUME NGA Kosovë