Parashikimi i motit për vikend dhe fillimin e javës së ardhshme
Instituti Hidrometeorologjik i Kosovës njofton se në dy ditët e ardhshme mbi vendin tonë do të mbajë mot me diell dhe pjesërisht i vranët. Temperaturat minimale do të lëvizin ndërmjet 11-13 gradë Celsius, ndërsa maksimalet e ditës parashihen të lëvizin ndërmjet 25-27 gradë Celsius.
28.08 – Ngrohtë, me vranësira dhe diell. Më vonë në mbrëmje, me mundësi për reshje lokale shiu me bubullima nga lindja e vendit.
29.08 – Më ftohtë, kryesisht me vranësira dhe me reshje lokale shiu paradite.
30.08 – Në mëngjes pjesërisht vranët. Ditën kryesisht me diell.
31.08 – Kryesisht me diell dhe më ngrohtë.
1.09 – Kryesisht me diell.
Temperaturat do të jenë të ndryshueshme këto ditë. Minimalet zbresin deri në 10C ditën e martë. Ndërsa maksimalet nga 28C të shtunën, zbresin në 21C ditën e diel, e më pas në rritje graduale deri në 27C ditën e martë.
Era do të fryjë kryesisht nga krahu verior 3-12m/s.
Shtypja atmosferike me tendencë të rënies nën vlera normale ditën e shtunë, më pas gradualisht në rritje.























