16:59 / 09.09.2021
Parashikimi i motit për dy ditët në vazhdim
Instituti Hidrometeorologjik i Kosovës ka bërë të ditur se fushat me presion të lartë atmosferik që kanë përfshirë vendin, do të vazhdojnë të mbeten të qëndrueshme edhe për dy ditët e ardhshme dhe nuk do të ketë ndryshime të ndjeshme në parametrat meteorologjikë.
Do të ketë vranësira të përqendruara në stadin e lartë të Troposferës por që për rreth relievit malore parashihen edhe vranësira të ulëta.
Temperaturat minimale do të lëvizin ndërmjet 9-11 gradë Celsius, ndërsa maksimalet e ditës ndërmjet 23-25 gradë Celsius.
Do të fryjë erë e lehtë deri mesatare nga drejtimet e ndryshme.























