Mblidhen 15 milionë dollarë për “ringjalljen” e elefantit të zhdukur

Mblidhen 15 milionë dollarë për “ringjalljen” e elefantit të zhdukur

Shkencëtarët: Qëllimi ynë është të krijojmë një elefant rezistent ndaj të ftohtit”.

Kompania Colossal e mjekut gjenetist George Church dhe sipërmarrësit Ben Lamm kanë njoftuar se kanë mbledhur 15 milionë dollarë për të ringjallur mamuthët, elefantët me push dhe brirë të lakuar që janë zhdukur për më shumë se 4.000 vjet më parë.

Qëllimi i ekipit të udhëhequr nga Church është që “të ketë foshnjat e para në katër apo gjashtë vitet e ardhshme”. Zbulimi i gjurmëve të ADN -së në permafrost, tokën e ngrirë që po shkrihet për shkak të ngrohjes globale, do t’i lejojë shkencëtarët të riprodhojnë in vitro kodin gjenetik të kafshës së zhdukur.

Projekti planifikon të krijojë një embrion duke hibridizuar mamuthin me elefantin aziatik, i cili do të fekondohej dhe do të kryente shtatzëninë si kushte natyrale.

Qëllimi ynë është të krijojmë një elefant rezistent ndaj të ftohtit, që duket dhe sillet si një mamuth, i aftë të presë pemë dhe të jetojë në 40 gradë nën zero”, kanë thënë shkencëtartët.

Ekipi i tij ka analizuar gjenomet e 23 llojeve dhe vlerëson se ata do të programojnë njëkohësisht më shumë se 50 ndryshime në kodin gjenetik të elefantit aziatik për të shtuar karakteristikat e nevojshme që ai të mbijetojë në Arktik. Karakteristikat, siç është një shtresë dhjamore izoluese prej 10 cm ose veshë më të vegjël do të ndihmojnë hibridin të përballojë më mirë të ftohtin, thekson gjenetisti.