10:35 / 18.09.2021
Rotarianët kosovarë sjellin kardiokirurgë nga Italia dhe SHBA-ja
Klubi rotarian nga Prishtina "Dardania" ka pritur të shtunën dy grupe të mjekëve ndërkombëtarë: një nga Italia dhe një tjetër nga SHBA.
Kirurgët-kardiologë nga Italia dhe SHBA-ja gjatë qëndrimit disaditorë në vendin tonë do të realizojnë disa intervenime kirurgjike tek disa fëmijë kosovarë që kanë probleme me shëndetin e zemrës.
Kjo vizitë e mjekëve italianë dhe amerikanë realizohet në kuadër të ciklit të përvitshëm që organizata "Gift of life" dhe klubi rotarian "Dardania" nga Prishtina bëjnë në bashkëpunim me mjekë të ndryshëm ndërkombëtarë.























