Policia deklarohet për protestën kundër arrestit shtëpiak
Policia e Kosovës ka dhënë detaje për mbarëvajtjen e protestës në Shtime, në shenjë pakënaqësie se shkaktari i aksidentit me pesë të vdekur në Ferizaj, u la në arrest shtëpiak.
Sipas policisë, në këtë protestë morën pjesë rreth 100 persona.
Përmes një njoftimi për media, nga policia konfirmuar se protesta ka qenë e qetë dhe pa ndonjë incident.
“Shtime 01.10.2021 – 11:00. Është raportuar se në Sheshin e Dëshmorëve në Shtime është mbajtur një protestë e organizuar nga familja Ramadani me rreth 100 pjesëmarrës të cilët i kanë shprehur pakënaqësitë e tyre lidhur me arrestin shtëpiak për të dyshuarin mashkull kosovar – ngasësit të automjetit i cili kishte shkaktuar aksident trafiku ku si pasojë kanë humbur jetën 5 persona anëtar të familjes Ramadani. Protesta ka qenë e qetë pa ndonjë incident”, thuhet në njoftim.























