Astronautët austriakë në shkretëtirë simulojnë jetën në Mars
Sharr Travel

Astronautët austriakë në shkretëtirë simulojnë jetën në Mars

Astronautët austriakë po marrin pjesë në eksperimentin e fundit, i cili përfshin simulimin e jetës në Mars.

Është një program simulimi AMADEE-20 Mars Simulation, i cili filloi më 11 tetor dhe që po zhvillohet në shkretëtirën izraelite Negev, katër orë me veturë nga Jeruzalemi.

Forma Hapësinore Austriake, Agjencia Izraelite e Hapësirës dhe Qendra izraelite e Kërkimeve Hapësinore e quajtur D-Mars dërguan një ekuipazh të trajnuar prej gjashtë astronautësh në shkretëtirë dhe i vendosën në një kupolë që përmban kushte të simuluara marsiane. Ekuipazhi drejtohet nga komandanti dhe inxhinieri portugez Joao Lousada dhe së bashku ata do të kryejnë rreth 20 eksperimente të fokusuara në biologji, mjekësi, psikologji dhe gjeologji. Në total, hulumtimi përfaqëson bashkëpunimin e 200 studiuesve nga 25 vende të ndryshme.

Image

Astronautët kanë veshur kostume speciale të dizajnuara për misionin dhe do të izolohen për disa javë në një kupolë pranë Kraterit Ramon në Izrael. Do të përdoret vetëm energjinë diellore.

Eksperimentet e kryera gjatë këtij projekti mund të çojnë në udhëtimin në planetin e akullt në të ardhmen. Kjo definitivisht nuk do të ndodhë së shpejti, por po punohet drejt këtij qëllimi. Astronautët po testojnë gjithashtu veshjen kundër rrezatimit “Stemrad”, e cila mbron palcën e eshtrave të njeriut dhe organet e ndjeshme nga rrezatimi kozmik.

Ka pasur studime të ngjashme deri më tani, por AMADEE-20 është shumë më i avancuar teknologjikisht se të gjithë. /klix

Image


MË SHUME NGA Kuriozitete