Shkon në dyqan për të blerë pulë, fiton lotari 100 mijë dollarë
BKT
   Kuriozitete

Shkon në dyqan për të blerë pulë, fiton lotari 100 mijë dollarë

Një burrë nga Maryland, gruaja e të cilit e dërgoi në dyqan për të blerë pulë, u kthye në shtëpi me një biletë lotarie me vlerë prej 100 mijë dollarësh.

Burri 52-vjeçar tha se teksa ishte në dyqan, u ndal në makinën shitëse të lotarisë për të blerë bileta Mega Millions në vlerë 10 dollarëshe dhe një biletë gërvishtëse me të njëjtën kosto.

Pasi e gërvishti biletën, ai tha se fillimisht e kishte lexuar gabimisht rezultatin.

“Mendova, të paktën fitova 10 dollarë dhe se kështu do t’i rikthej paratë që i harxhova” kujton ai.

Pas kësaj ai shpejt e kuptoi se çmimi në të vërtetë ishte 100 mijë dollarë.

“Lëshoi ​​një varg fjalësh që fëmijët tanë nuk janë mësuar t’i dëgjojnë,” tha gruaja e burrit. “Ata menduan se ai ishte i nervozuar”.

Çifti tha se planet e tyre me këto para përfshijnë një pushim familjar, shlyerjen e borxhit, rregullimin e shtëpisë dhe ndoshta blerjen e një televizori të ri.