13 kandidatë në garë për t’u bërë gjyqtarë në Kushtetuese
BKT
Kosovë

13 kandidatë në garë për t’u bërë gjyqtarë në Kushtetuese

Komisioni i posaçëm për shqyrtimin e kandidatëve për emërim në Gjykatën Kushtetuese është mbledhur sot (e hënë), në të cilën ka shqyrtuar nominimet e kandidatëve për  gjyqtar në Gjykatën Kushtetuese, lidhur me përmbushjen e kushteve të parapara me Kushtetutë dhe ligj.

“Komisioni i posaçëm, i kryesuar nga deputeti Adnan Rrustemi (i autorizuar nga kryetari i Kuvendit), pas shqyrtimit të të gjitha aplikacioneve të kandidatëve që kanë aplikuar për anëtarë të Gjykatës Kushtetuese, vlerësoi të gjitha nominimet, 13 sosh, i plotësojnë kushtet e parapara. Komisioni vendosi që pas shqyrtimit të aplikacioneve, të fillohet me fazën e parë të intervistimit. Intervista me shkrim u caktua të mbahet më 29 mars 2022 në orën 10:30”, thuhet në njoftimin e Kuvendit të Kosovës.

Kandidatët për gjyqtarë janë: Flamur Hyseni, Safet Berisha, Bardh Bokshi, Emrush Kastrati, Selman Ymeri, Rexhep Gashi, Blerim Burjani, Etrur Maloku, Flutra Hoxha, Dukagjin Abdyli, Albert Avdiu, Rafet Haxhaj dhe Valon Hasani.

 


MË SHUME NGA Kosovë