11:18 / 14.05.2022
Rivarrosen Aruq e Rrustem Hoti, të vrarë në luftë me forcat serbe
Venera Xhoxhaj / RTK
Në fshatin Marinë të Skënderajt janë varrosur eshtrat e bashkëluftëtarëve të Shaban Polluzhës e Mehmet Gradicës.
Ata janë Aruq dhe Rrustem Hoti, eshtrat e të cilëve u gjetën pas 77 viteve në fshatin Samadrexhë të Vushtrrisë, ku kishin rënë dëshmorë në betejën kundër forcave serbe.
Në ceremoninë e rivarrimit përveç familjarëve, morën pjesë edhe qytetarë të shumtë, përfshirë edhe anëtarë të familjes Jashari.
Ndërkaq në vendin ku do të pushojnë eshtrat e Rrustem e Aruq Hotit, është vendosur edhe pllaka përkujtimore.
Ndryshe familja Hoti, ka edhe shumë familjarë të vrarë në luftën e fundit në Kosovë.
























