09:48 / 30.07.2022
Rama inspekton punimet te soliterët e Ulpianës
Kryetari i Prishtinës, Përparim Rama, inspektoi punimet në pesë ndërtesat ikonike në Ulpianë.
Rama u shoqërua nga stafi i MCC-së që në bashkëfinancim me komunën po rinovon soliterët.
“Përveç se soliterët do të kenë një pamje më të bukur, izolimi termik me masa efiçiente të energjisë do të mundësojë uljen e shpenzimeve për banorët gjatë vitit dhe do të ndikojë drejtpërdrejt në përmirësimin e cilësisë së ajrit në kryeqytet”, ka shkruar Rama në një postim në rrjetin social Facebook.
Sipas tij nga ky projekt do të përfitojnë 270 familje.























