Viti shkollor në objekt të ri - Video
BKT
Kosovë

Viti shkollor në objekt të ri - Video

Pas një pritje të gjatë prej 11 vjetëve prej se kishte filluar ndërtimi i saj, shkolla e muzikës dhe arteve në Gjilan këtë vit të ri akademik do të filloj punën në objektin e ri.

Profesorët shprehen të kënaqur me kushtet dhe ambientet e reja të punës.

“Jemi në një ambient përrallor kushtet janë shumë të mira, tani kemi salla për koncerte, për ushtrime, tani kemi edhe instrumentet secili në klasën e tyre, jemi sistemuar po presim me fillu”, thotë Hajrije Bislimi - profesoreshë e pianos.

Kurse Artan Jerliu, profesor i korit thotë se shkolla na siguron një ambient të mjaftueshëm për mbarëvajtjen e procesit provave.

Shkolla e muzikës këtë vit do të filloj edhe me drejtimin e baletit, drejtim ky i cili ka ngjallur mjaft interesim.

E Kushtrim Jakupi - drejtor i shkollës se muzikës në Gjilan, tha se drejtimi i ri i baletit do të përmbledh brenda rreth 40 nxënës duke tentuar që vitet e ardhshme ky numër të plotësohet edhe në vazhdimësi.

“Përndryshe në shkollën tonë ekzistojnë mundësi për edukim në shume instrumente, disa prej tyre karakteristike, siç është Harpa, Korno, Trumpeta e të tjera. Për shkak të tregut të punës ne do të mundohemi që në vazhdimësi këto drejtime dhe instrumente të reja të jenë pjesë e programit tonë muzikor”, ka thënë Jakupi.

Edhe pse ministria e arsimit e ka shpallur si projekt të përfunduar objekti i shkollës se re ka probleme te theksueshme sa here qe ka reshje shiu si dhe me rrjetin elektrik.


MË SHUME NGA Kosovë