Ambasadori Abbott thirrje Kosovës e Serbisë për të pagjeturit
BKT
Foto: Nicholas Abbott/Twitter
Kosovë

Ambasadori Abbott thirrje Kosovës e Serbisë për të pagjeturit

Jeton Musliu/RTKlive

Në Ditën Ndërkombëtare të Personazheve të Zhdukur, ambasadori i Britanisë së Madhe në Kosovë, Nicholas Abbott, vizitoi familjen Gashi në Suharekë.

Diplomati britanik atje u prit nga Bekim Gashi, i cili në masakrën e fshatit Tërnje, në marsin e vitit 1999, forcat serbe ia vranë nënën, katër motrat, si dhe anëtarë të tjerë të familjes e shokë, të cilët edhe më tej rezultojnë të pagjetur.

“Bekimi dhe të tjerët sikurse ai, meritojnë drejtësi, por më e rëndësishmja ata meritojnë që më të dashurit e tyre të kthehen dhe të prehen me dinjitet”, deklaroi ambasadori britanik.

“Sërish, u bëj thirrje të dy palëve (Kosovës e Serbisë v.j) të punojnë së bashku në mbylljen e çështjes së të pagjeturve për viktimat dhe familjet e tyre”.

Përndryshe, sot në Kosovë po shënohet me homazhe e aktivitete të ndryshme Dita Ndërkombëtare e të pagjeturve. Zyrtarë të shtetit e liderë të ndryshëm po vendosin lule pranë memorialëve të ndryshme në përkujtim edhe të mbi 1.600 personave që mungojnë nga lufta e fundit.

Në anën tjetër, Misioni i EULEX-it deklaroi se nga viti 2009 kur ëhstë prezent në Kosovë, bashkë me ekspertët e vet edhe ata kosovarë, kanë kryer dhjetëra gërmime.

Në Brekoc janë zhvarrosur 121 trupa, Çikatovë të vjetër 112, Rakosh 97, Qirez 96, Studime të Epërme 93 etj.

 


MË SHUME NGA Kosovë