Mehaj: Ushtria e Kosovës, gati për misione të NATO-s|Foto
J.Musliu/RTKlive
Regjimenti i parë i Këmbësorisë është në fazën intensive të trajnimit dhe përgatitjes së njësive të saj.
Kështu deklaroi ministri i Mbrojtjes, Armend Mehaj, duke shtuar se ushtria e Republikës së Kosovës është e gatshme për çdo mision ushtarak.
Ministri Mehaj përmes një deklarimi në Facebook ka shkruar se trupat e R1K, janë duke kryer trajnim me sistemet e reja të armatimit, me të cilat është pajisur FSK së fundi.
“Me fokus operacionet e mbrojtjes dhe sulmit në nivel Skuadre, Togu dhe Kompanie”, deklaroi ai.
Ai tha se trajnimet e vazhdueshme, bashkëpunimi dhe vullneti i ushtrisë së Republikës së Kosovës, janë tregues të gatishmërisë për pjesëmarrje në çdo mision të NATO-s.
Bashkë me këtë deklarim, ministri Mehaj ka publikuare dhe disa fotografi nga trajnimet e pjesëtarëve të FSK-së.




























