Pak klasa mbajnë mësim|Video
Arlinda Sejda / RTK
Greva në arsim, e cila nesër hyn në ditën e 15. Derisa Ministria e Arsimit po vazhdon të këmbëngulë se kërkesat e grevistëve tashmë janë adresuar përmes projektligjit për pagat, Këshilli Grevist nuk po pajtohet, madje shprehet i gatshëm ta vazhdojnë grevën derisa të plotësohen kërkesat.
Tre klasa në shkollën " Faik Konica" po realizojnë procesin mësimor, ku në këtë shkollë të Prishtinës qëndroi ministrja e Arsimit, raporton Radio Televizioni i Kosovë (RTK).
Derisa sërish u bëri thirrje mësimdhënësve që të kthehen në mësim, ministrja Nagavci po insiston se kërkesat e grevistëve tashmë janë adresuar përmes projektligjit për pagat.
"Si ministri do të jemi edhe përtej kërkesave të sindikatës sepse kërkesat të cilat janë të njëjta dhe të paartikuluara nuk i ndihmojnë daljes prej kësaj situate. Nuk ka asnjë arsye që të insistohet nga sindikata përkundër pakos prej 150 milion që qeveria ndau për kategoritë e ndryshme të të punësuarve që sindikata të vazhdoj të insistoj për këtë shtesë prej 100 euro për mësuesit por edhe për profesorët universitar që kanë nga 2 mijë euro pagë. Pra vet kërkesat për mënyrën se si janë shtruar nga na e sindikatës , janë shtruar për të penguar dhe bllokuar procesin mësimor", tha ministrja Nagavci.
Por, me deklarimin e ministres as sot nuk u pajtua Këshilli Grevist i SBASHK-ut.
Ata po presin që të nisë dialogu social, derisa shprehen të vendosur të mos dalin nga greva pa u plotësuar kërkesat e tyre.
" Ne atë nuk po e shohim sepse ju jeni në dijeni që kërkesa jonë është në shumën prej 100 eurosh të jepej në listën e pagave deri te zbatimi i ligjit të pagave tani në ligjin e pagave sa kemi pa edhe lexuar edhe pse nuk e kemi pasur në duar, aty është koeficienti 5.4, dhe nuk di çfarë ka plotësuar nga kërkesat që kanë pasur mësimdhënësit te MASHT-i", ka thënë Reshit Kushaj-Kryetar i Këshillit Grevist të SBAShK-ut
Sipas Kushajt, mund të jenë disa klasë në 10 shkolla nga 1200 sa janë në grevë që po e zhvillojnë procesin mësimor.
Humbjen e këtyre orëve, sociologu Blerim Shabani po vlerëson se do ta mbajnë si pasojë nxënësit e grupmoshave të ndryshme.
" Ne radhë të parë kjo dëmton pritjen e fëmijëve të cilët fillojnë mësimin për herë të parë sepse kanë një pritje, dëmton aspektin e dëmtimit në mes të relacionit me mësimdhënës, dhe janë pasoja të cila në faza të mëvonshme të cilat do të vërehen për shkak të mospërmbushjes së objektivave", ka thënë Shabani.























