Kryesia mban mbledhjen e parë të sesionit vjeshtor
A.Bela / RTKlive
Sot me fillim në ora 11:00, do të mbahet mbledhja e kryesisë së Kuvendit të Kosovës, në të cilën në rend dite janë pikat e e mbetura nga seancat dhe mbledhjet e kaluara.
Votimi në parim i Projektligjit për ndryshimin dhe plotësimin për vetëqeverisjen lokale, shqyrtimi i parë i Projektligjit për ndryshimin dhe plotësimin e ligjit për Festat Zyrtare në Republikën e Kosovës, ajo për zgjedhjen e një anëtari të Bordit të Radiotelevizionit të Kosovës, nga radha e komunitetit serb, shqyrtimi i Strategjisë së Sigurisë së Kosovës 2022-2027 e shumë të tjera, do të jenë në rendin e ditës, raporton RTKlive.
Mbledhja e kryesisë së Kuvendit dhe rifillimi i punës së legjislativit bëhet pas gati një muaji ndërprerje, shkaku i pushimeve të verës.























