Apelohet për mirëmbajtje të Parkut të Pishave|Video
BKT
Kosovë

Apelohet për mirëmbajtje të Parkut të Pishave|Video

Fatos Cvadiku/RTK

Parku i Pishave në Sllatinë të Fushë Kosovës kohët e fundit është bërë vend atraktiv për t’u vizituar. Por me shtimin e vizitorëve po rritet edhe papastërtia. Qytetarët që e vizitojnë këtë park apelojnë për mirëmbajtje. Shumë prej tyre thonë se janë vetë qytetarët ata që duhet të mos hedhin mbeturina.

 “Me siguri për 15 vite e frekuentoj këtë vend. Nuk ka pasur kështu mbeturina po tash, popullata pak ma e madhe e frekuentojnë ma shumë, ulëset i kanë demolua krejt edhe pse janë të betonuara”, thotë qytetari.

Nga ana tjetër, në Komunën e Fushë Kosovës thonë se kanë ekipe të veçanta që e bëjnë mirëmbajtjen e këtij parku, mirëpo sipas tyre, duhet edhe ndërgjegjësim i popullatës.

“Ne kemi dy ekipe, dy herë gjatë javës ekipet tona shkojnë dhe merren me mirëmbajtën e gjithë hapësirës, gjithë territorit atje, dhe mundohen ta mirëmbajnë, por nuk është krejt në përgjegjësinë e komunës dhe të ekipeve tona të cilat merren me këtë mirëmbajtje, sepse realisht duhet të jenë fillimisht qytetarët që i gëzojnë gjithë ato të drejta në atë hapësirë”, tha zëdhënësi i Komunës së Fushë Kosovës, Ali Topalli.

Parku i pishave në Sllatinë është kryesisht më i vizituar gjatë ditëve të fundjavës, atëherë kur qytetarët janë në pushim dhe kanë kohë të dalin për rekreacion, por edhe për të qëndruar në ajër më të pastër.


MË SHUME NGA Kosovë