Këshilli i Prindërve në Gjilan, thirrje që të dilet nga bllokada në arsim
Asdren Agushi/RTK
Këshilli i Prindërve të Gjilanit ka bërë thirrje që Qeveria dhe SBASHK-u të gjejnë një zgjidhje që të dilet nga bllokada në arsim.
Natyra Robelli, kryetare e Këshillit të Prindërve në Komunën e Gjilanit thotë se nga kjo situatë më së shumti po dëmtohen fëmijët.
Ajo gjithashtu bëri thirrje që mos të fyhen mësimdhënësit.
“Këshilli i Prindërve të Komunës së Gjilanit bëjmë thirrje që Qeveria dhe SBASHK-u të reflektojnë mbi gjendjen në arsim dhe të gjejnë një mes të artë që të dalim nga kjo bllokadë.
Nga kjo situatë më së shumti po dëmtohen fëmijët. Ata e gëzojnë të drejtën për shkollim themelor.
Njëherit, bëjmë thirrje për të gjithë pa dallim që mos t'i fyejmë mësimdhënësit, por t'i ruajmë raportet e shëndosha pasi ata janë mësimdhënësit e fëmijëve tanë”, thuhet në apelin e Këshillit të Prindërve të Gjilanit.























