SPERTK-Kuvendit, të zgjidhet çështja e pronës dhe e buxhetit të RTK-së
Rtklive
Kosovë

SPERTK-Kuvendit, të zgjidhet çështja e pronës dhe e buxhetit të RTK-së

RTKlive

Sindikata e Punëtorëve e RTK-së kërkon nga Kuvendi që në kohën kur fillojnë dëgjimet buxhetore për vitin 2023, t’ia kthejë RTK-së buxhetin prej 2.1 milionë eurove të cilat i janë hequr më herët.

Në letrën  e Sindikatës së punëtorëve të RTK-së, drejtuar Kuvendit thuhet: 

"Të nderuar deputetë të Kuvendit të Kosovës, RTK edhe ashtu ka pasur buxhet të vogël dhe shkurtesa prej 2.1 milionë eurosh ka shkaktuar probleme të mëdha në funksionimin normal të mediumit.  

Si rrjedhojë, me këtë buxhet RTK më nuk mund të funksionojë e lëre të pasurojë skemën programore me programe të reja për shikuesit nga të cilët edhe financohemi. Kjo kërkesë është urgjente dhe kërkojmë nga themeluesi i RTK-së që ta trajtojë shumë seriozisht. 

Ndër probleme të tjera që shkakton pengesa të mëdha është edhe prona e RTK-së.

Ne në kërkesa të mëhershme kemi kërkuar që objekti ku është Radio Kosova t`i takojë ligjërisht RTK-së dhe kjo mund të bëhet nga Kuvendi i Kosovës.

Të nderuar deputetë, kjo është koha e fundit për t`i adresuar këto çështje me urgjencë, sepse këto probleme e dëmtojnë edhe më shumë funksionimin dhe të ardhmen e RTK-së.

Nuk ka asnjë medium publik në rajon që funksionon me kushte të tilla, pa pronë e me buxhet të shkurtuar" - thuhet në letrën e Kryesisë së SPERTK-së, drejtuar deputetëve të Kuvendit të Kosovës. 


MË SHUME NGA Kosovë