13:42 / 22.09.2022
Krasniqi: Akti sublim i Fehmiut e Xhevës do të përcillet ndër breza
Fadil Sertolli/ RTKlive
Kreu i Partisë Demokratike të Kosovës, Memli Krasniqi në përvjetorin e 24-të të rënies heroike të Fehmi e Xhevë Lladrovcit, me bashkëpunëtorë ka bërë homazhe në Memorialin e dëshmorëve të UÇK-së në Gllanasellë, për të nderuar heroizmin e tyre për lirinë tonë.
“Akti sublim i Fehmiut dhe Xhevës do të përcillet ndër breza, si shembull se dashuria për atdhe dhe sakrifica për çlirimin e Kosovës është fati që përcjell çdo atdhetar”, ka shkruar Krasniqi në Facebook.
Lavdi e përjetshme për heronjtë dhe dëshmorët e kombit, Fehmi dhe Xhevë Lladrovci, Fatime Hetemi, Shefqet Zeka, Behxhet e Milazim Karaxha dhe Hamit Lladrovci.























