10:24 / 02.10.2022
Binjakëzohen Komuna e Gjakovës dhe ajo e Shkodrës
A.B
Kryetari i Komunës së Gjakovës, Ardian Gjini, ka njoftuar se janë binjakëzuar Komuna e Gjakovës dhe ajo e Shkodrës.
“Ndjehem jashtëzakonisht i lumtur dhe i nderuar, që si kryetar i komunës së Gjakovës pata fatin e mundësinë ta nënshkruaj dokumentin zyrtar të binjakëzimit të Gjakovës dhe Shkodrës. Dy qytetet tona, prej sot po e zyrtarizojnë një lidhje të hershme, shumë të veçantë, të trashëguar ndër breza. Bashkë me mikun tim, kryetarin e bashkisë së Shkodrës Bardh Spahia, u dakorduam dhe u zotuam që këtë nismë mos ta lëmë vetëm në letër, por bashkërisht të angazhohemi për sa më shumë projekte të përbashkëta në shërbim të qytetarëve tanë. Gëzuar Gjakovë e Shkodër!”, ka shkruar Gjini në Facebook.























