Osmani kërkon përshpejtim të liberalizimit të vizave
BKT
Foto: Presidenca e Kosovës
Kosovë

Osmani kërkon përshpejtim të liberalizimit të vizave

M.Shefkiu/ RTKlive

Presidentja Vjosa Osmani ka theksuar nevojën e përfundimit sa më parë të procesit të liberalizimit të vizave për qytetarët e Kosovës dhe nevojën për avancimin e rrugës euroatlantike të Kosovës, përfshirë anëtarësimin në Këshillin e Evropës.

Këtë deklaratë presidentja Osmani e ka bërë në takim me kryeministrin e Greqisë, Kyriakos Mitsotakis. Këtë të fundit, Osmani e ka takuar në kuadër të takimeve gjatë pjesëmarrjes në Komunitetin Politik Evropian në Pragë, thuhet në një komunikate lëshuar nga Presidenca.

Presidentja Osmani ka përsëritur përkushtimin e Kosovës për bashkëpunim të ngushtë me Greqinë në çështjet me interes të ndërsjellë.

Ndryshe, Greqia është njëri nga pesë vendet e Bashkimit Evropian që nuk e kanë njohur pavarësinë e Kosovës, por që ka njohur dokumentet kosovare.


MË SHUME NGA Kosovë