KRU “Prishtina” nga sot nis shkyçjen e konsumatorëve borxhlinj
V.Thaçi / RTKlive
Kompania Rajonale e Ujësjellësit “Prishtina” bënë të ditur se përveç bizneseve dhe institucioneve, nga shërbimet e ujit do të shkyçen edhe konsumatorët shtëpiak/individual.
“Meqenëse Qeveria e Republikës së Kosovës ka bërë lehtësimin e masave epidemiologjike nga Covid-19, konsiderohet se situata në Kosovë, për sa i përket rrezikut nga pandemia është reduktuar dhe se aktivitet shoqërore dhe institucionale i janë kthyer normalitetit sikur në kohën e para pandemisë. Bazuar në Vendimin e ARRU-së, Ujësjellësit të Prishtinës iu janë hapur të gjitha rrugët ligjore që nga sot të fillojë me shkyçjen e të gjithë konsumatorëve borxhlinj të shërbimeve të ujit", thuhet në njoftimin e KRU "Prishtina".
Sipas njoftimit përveç bizneseve dhe institucioneve do të shkyçen nga shërbimet e ujit edhe konsumatorët shtëpiak/ individual.























