17:52 / 24.12.2022
Presidentja Osmani uron për festën e Krishtlindjes
J.Musliu/RTKlive
Presidentja e Kosovës, Vjosa Osmani, ka uruar të gjithë besimtarët e krishterë, për festën e Krishtlindjes.
Në urimin e saj, presidentja thekson se festa e Krishtlindjes sjell mesazhin e paqes, dashurisë, respektit, mirëkuptimit dhe tolerancës.
“Uroj të gjithë besimtarët e krishterë që në këtë ditë ta rrisin shpresën e t`i hapin zemrat”, shkroi presidentja e Republikës.
“Në shtëpinë e secilit të mbizotërojë shëndeti, lumturia e paqja!”
Ajo kërkoi që të gjithë të jemi solidarë, të reflektojmë harmoni e të festojmë bashkë!
“Për shumë mote, Gëzuar!”, uroi presidentja Osmani.























