Dëme nga vërshimet, situata drejt stabilizimit
Foto: RTKlive
Kosovë

Dëme nga vërshimet, situata drejt stabilizimit

Shqipe Gashi/RTKlive

Gjendja në disa komuna të Kosovës pas vërshimeve të një dite më parë, ishte një nga temat në të cilat u përqëndrua të premten magazina informative “Info Plus” në RTK.

Për këtë temë, në lidhje të drejtpërdrejtë nga Peja, Gëzim Gashi,  drejtor i  Shërbimeve Publike në këtë komunë, deklaroi se gjëndja në qytetin Pejës është më e mirë dhe stabile.

“Është e menaxhueshme dhe çdo rrezik eventual për momentin është larguar”, deklaroi Gashi për RTK-në.

“Akoma s’kemi  ndonjë informacion të saktë, por sipas  njerëzve që i kemi në terren, thuhet se nuk ka dëme të mëdha”.

Ndërkohë, RTK në kuadër të kësaj magazine informative, ka biseduar edhe me Shpejtim Bulliqin,  kryetar i komunës së Podujevës.

“Sikurse edhe në shumë komuna të Kosovës edhe këtu jemi përballur me vërshime të  mëdha nga të reshurat e shiut”, tha Bulliqi.

“Fatmirësisht nuk kemi humbje në njerëz, por ka pasur  dëme të mëdha materiale të cilat janë shkaktuar në ekonomi familjare dhe në biznese e po ashtu dëmet në infrastrukturë, kanë qenë të mëdha”, deklaroi ai.

Megjithatë, ai tha se aktualisht gjendja është nën kontroll dhe vërehen disa ngritje të nivelit të ujit në  pellgun e lumit të Batllavës.

“Ne tashmë kemi krijuar një komision që do të bëjë vlerësimin e dëmeve materiale”.

Ndërkohë, sipas Institutit Hidrometeorologjik, situata me reshje të shiut  do të zgjasë deri me 25 janar.

 


MË SHUME NGA Kosovë