Edhe në Podujevë pati dëme nga vërshimet. Pakashtia e Epërme e kësaj komune ishte pothuajse e pakalueshme për shkak të shembjeve që u shkaktuan.

Në terren doli edhe kryetari i Podujevës, Shpejtim Bulliqi, i cili tha se situata do të analizohet, dëmet do të vlerësohen në mënyrë që të shihet mundësia e kompensimit.

Të reshurat e shiut që krijuan vërshime, shkaktuan dëme të mëdha në Pakashticë të Epërme në Podujevë.

Kreu i Podujevës, Shpejtim Bulliqi, tha se veç dëmeve në infrastrukturë, më e rëndësishme është mos humbja e jetëve.

 “Dëmët nuk dihen saktësisht se janë goxha  të mëdha, por dëme ka shumë edhe në ara, rrugë edhe në ura”, thotë Pajazit Aliu, banor i këtij fshati.

Kryetari i kësaj komune tha se e kanë formuar komisionin për vlerësimin e dëmeve dhe porsa ta mbyllë punë,  do ta kenë gjendjen reale të dëmeve.