Zvarritja e restaurimit të Kullave të Jasharëve |Video
Arbresha Berisha /RTK
Kushteve atmosferike s’do të mund t’u bëjnë ballë edhe për shumë kohë.
Vendi i cili u bë udhërrëfyes për lirinë e Kosovës, e u bëri ballë granatimeve të shumta, nuk dihet nëse do të mund t’i bëjë ballë edhe kohës.
Kjo pasi as në 25-vjetorin e Epopesë së UÇK-së nuk arriti të nisë restaurimi i kullave të Jasharëve, i cili është vlerësuar si tejet i rëndësishëm.
Renovimet në këtë kullë pritet të nisin tek në shtator të këtij viti, e që përfundimi i gjithë restaurimit thuhet se do të marrë shumë kohë.
Nga Ministria e Kulturës shprehen se në kullat e Jasharëve nuk është bërë asnjë ndërhyrje emergjente, për shkak se janë në prag të shpalljes së konkursit ndërkombëtar për master-planin e tërë kompleksit.
Kompleksi pavarësisht gjendjes në të cilën është, pret e përcjell qytetarë të shumtë gjatë gjithë kohës, e sidomos në data të veçanta.
Konservimi i kullave të Jasharëve ishte planifikuar të niste në vitin 2019.























