Gjobë ndaj shoferit për tejkalim të shpejtësisë në Ferizaj
BKT
Kosovë

Gjobë ndaj shoferit për tejkalim të shpejtësisë në Ferizaj

F. Sertolli / RTKlive

Policia Rajonale e Komunikacionit Rrugor në Ferizaj, dje rreth orës 17:45 në rrugën "Driton Islami" në Ferizaj ka ndaluar shoferin F.S (M/K) i moshës 28 vjeçar i cili ka bërë tejkalimin e shpejtësisë, ku në zonën e kufizimit 50 km/h ka zhvilluar shpejtësi 95 km/h.

Sipas njoftimit nga Policia e Kosovës, thuhet sendaj tij, policia i shqiptoi një gjobë sipas ligjit të komunikacionit rrugor 300 euro, 3 pikë negative dhe gjashtë  ( 6 ) muaj masë mbrojtëse, heqje e patentë shoferit.

Me këtë rast, Drejtoria Rajonale e Policisë në Ferizaj apelon tek shoferët e automjeteve që të respektojnë shenjat e komunikacionit.

“Veprimet e tilla rrezikojnë direkt jetën e tyre dhe të pjesëmarrësve tjerë në komunikacion dhe fton qytetarët të bashkëpunojnë me policinë. Për të gjitha kundërvajtjet që mund të shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406. Të dhënat e juaja do të ruhen në konfidencialitet të plotë”, përfundon njoftimi i Policisë së Kosovës.


MË SHUME NGA Kosovë