07:09 / 27.06.2023
Sulmohet ndërtesa komunale në Mitrovicë të Veriut
Radio Kosova
Mbrëmë, pak para mesnatës në oborrin e ndërtesës së Komunës në veri të Mitrovicës kanë ndodhur dy shpërthime.
Lajmi për Radio Kosovën e konfirmoi zëdhënësi i Policisë së Kosovës për rajonin e Mitrovicës, Veton Elshani.
Si pasojë e shpërthimit janë dëmtuar dy vetura të policisë, ndërsa nuk ka të lënduar.
Policia ka dalë në vendin e ngjarjes dhe është duke hetuar rastin tha sot Elshani për Radio Kosovën.























