Miratohet propozimi, 50 euro në muaj për adoptim të një qeni endacak
J.Musliu/RTKlive
Kuvendi i Komunës së Prishtinës, me shumicë votash, ka votuar për propozim vendimin për subvencionim të atyre që do të adpodojnë një apo më shumë qen endacakë.
26 këshilltarët e Kuvendit Komunal të Prishtinës, miratuan propozimvendimin për subvencionimin e personave fizik dhe juridik të cilët marrin në përkujdesje dhe mbajtje një qen apo më shumë qen.
Shuma e propozuar është 50 euro në muaj. “Adoptimi është mënyra më humane e trajtimit të qenve", deklaroi para këshilltarëve komunal, kryetari i Prishtinës, Përparim Rama.
Ndërsa drejtori për siguri dhe emergjenca, Lulzim Fushtica, tregoi se cili është qëllimi final i këtij vendimi.
"Me këtë vendim parashihet që të zvogëlohet numri i qenve endacak në rrugët e qytetit", tha Fushtica.
Shumë shpejt, pasi u votua, do të nis zbatimi i këtij vendimi, pas kalimit të procedurave ligjore të nevojshme.























