10:23 / 19.07.2023
ORCA kundërshton me aksion avancimet në UP
E.P. / RTK
Organizata për Rritjen e Cilësisë në Arsim ka mbajtur një aksion protestues me moton “Kthimi i trurit apo kapja e Universitetit?”, para Ministrisë së Arsimit lidhur me, siç thonë nga kjo organizatë, parregullsitë në avancime akademike dhe ndërhyrjet e grupeve të interesit në Universitetin e Prishtinës.
Sipas drejtuesit të ORCA-s, Rron Gjinovci, Qeveria po hesht karshi avancimeve të jashtëligjshme në UP.
Në banerët e vendosura në hapësirë publike shihen fotografitë e profesorëve dhe asistentëve, që sipas ORCA-s, janë avancuar në mënyrë të jashtëligjshme.

























