Haxhiu: Janë lokalizuar mbetjet mortore të një personi
BKT
Kosovë

Haxhiu: Janë lokalizuar mbetjet mortore të një personi

E.Hoti/ RTKlive

Ministrja e Drejtësisë, Albulena Haxhiu, ka  bërë të ditur se të enjten janë lokalizuar mbetje mortore të një individi  në Prishtinë, që dyshohet se i takojnë kohës së luftës.

Ministrja Haxhiu ka shkruar në Facebook se mbetjet do të dërgohen në Institutin e Mjekësisë Ligjore (IML), ku do t’i nënshtrohen ekzaminimeve shtesë me qëllim të identifikimit.

Ajo ka theksuar se në vendin e njëjtë gjatë majit janë gjetur mbetje mortore edhe të një individi.

“Sot, ekipet e Institutit të Mjekësisë Ligjore, në bashkëpunim me KQPZH dhe Policinë, kanë lokalizuar mbetjet mortore të një individi në lagjen Matiçan në Prishtinë, të cilat dyshohet se i takojnë kohës së luftës. Mbetjet skeletore do të dërgohen në IML ku do t’i nënshtrohen ekzaminimeve shtesë me qëllim të identifikimit. Në vendin e njëjtë gjatë muajit maj në të njëjtin vend ishin gjetur mbetjet mortore edhe të një individi”, ka shkruar Haxhiu.


MË SHUME NGA Kosovë