11:14 / 07.11.2023
Policia me kontroll ndaj automjeteve, zbaton programin ‘Roadpol’
M.P. / RTKlive
Njësiti Rajonal i Trafikut rrugor në kuadër të Policisë së Kosovës ka nisur zbatimin e programit evropian “Roadpol” në Prishtinë.
Ky program po zbatohet për ngritjen e sigurisë në trafik, ndërkaq kontrollet po bëhen për automjetet që bëjnë bartjen e udhëtarëve dhe mallrave.
“Policia e Rajonit të Prishtinës respektivisht, Njësiti Rajonal i Trafikut rrugor, krahas planeve operative për kontrollin e shtuar në trafik, me datën 06.11.2023, ka filluar implementimin e planit për kontroll ndaj ngasësve të automjeteve për bartjen e udhëtarëve dhe mallrave, sipas programit evropian Roadpol”, njofton policia.
Tutje theksohet se vetëm dje gjatë zbatimit të këtij programi janë gjobitur 12 ngasës të automjeteve për kundërvajtje.























