10:52 / 21.11.2023
Punëtorët teknik të QMF-ve dhe shkollave kërkojnë paga më të larta
RTK
Punëtoret teknik të Qendrave të Mjekësisë Familjare dhe 15 shkollave sot protestuan para Komunës së Prishtinës me kërkesë që paga e tyre të jetë jo më e ulët se 450 euro.
Kryetari i Sindikatës i Sektorit Privat, Jusuf Azemi, ka dhënë një afat dyjavor në realizimin e kërkesave përndryshe do t'i braktisin vendet e tyre të punës.
Menjëherë pas kësaj deklarate nënkryetari i Komunës së Prishtinës, Alban Zogaj, ka ftuar në takim kryetarin e kësaj sindikate, për të biseduar në lidhje me realizimin e kërkesave të tyre.
























