Ferizaj do të bëhet me shtatore të Tony Blairit
RTKlive
Në sheshin "Tony Blair" në Ferizaj, në pikën ndërlidhëse të këtij sheshi me sheshin Dëshmorët e Kombit do të vendoset shtatorja e ish-kryeministrit britanik, Tony Blair, ka bërë të ditur Bashkim Fazliu, drejtor ekzekutiv nga Fondacioni "Ne kujtojmë Tony Blair-in".
Inaugurimi i shtatores palinifikohet të bëhet me 12 qershor 2024, në 25-vjetorin e Ditës së Çlirimit të Ferizajt dhe Kosovës, ditë e cila ndërlidhet edhe me kontributin kolosal të ish-kryeministrit Tony Blair bashkë me ish-presidentin Bill Clinton, i cili tash e disa vite e ka shtatoren në Prishtinë.
Projekti do të realizohet me ndihmën e donatorëve dhe shtatorja do të jetë në përmasa njerëzore dhe jo shumë e ngritur, në mënyrë që vizitorët e ndryshëm ta kenë më të lehtë qasjen.























