Sot dita e fundit për konvertimin e targave ilegale të Serbisë në ato RKS
A.B / RTKlive
Vetëm edhe sot mund të bëhet konvertimi i targave ilegale të Serbisë në ato RKS.
Zëvendësdrejtori i Policisë për rajonin e veriut, Veton Elshani, ka theksuar për RTKlive se qytetarët mund t’i regjistrojnë veturat vetëm edhe sot.
Elshani, ka theksuar për RTKlive se nga 1 nëntori deri më 29 nëntor janë regjistruar mbi 3 mijë vetura me targa RKS.
Ai ka thënë se edhe 800 kanë qenë të regjistruara më herët.
Ministria e Punëve të Brendshme tanimë ka njoftuar të gjitha personat që kanë automjete targa ilegale do të kenë mundësi të përfitojnë nga lehtësirat për regjistrim në targa RKS, deri më datë 1 dhjetor 2023.
Kjo përfshinë taksat doganore, taksën administrative në Qendrën e Regjistrimit të Automjeteve, tarifën për targa dhe tarifën për pajisje me certifikatë të regjistrimit të Automjetit.























